Aztibb.az-ın "Həkimlərimizi tanıyaq!" rubrikasında bu dəfə saytımızın oxucularına tanınmış terapevt, Xətai Tibb Mərkəzinin Poliklinika şöbəsinin müdiri Ellada Hətəm-zadə haqqında məlumatları təqdim edirik.
Ellada Fazil qızı Hətəm-zadə 1959-cu ildə Bakı şəhərində anadan olub. 1976-1982-ci illərdə Azərbaycan Tibb Universitetində təhsil alıb. 1983-cü ildə Xətai Tibb Mərkəzində internatura keçib.
O, 1985-2002-ci illərdə Xətai Tibb Mərkəzində həkim-terapevt, 2002-2019-cu illərdə “Azərsutikinti” Xəstəxanasında baş həkimin müavini, Terapiya şöbəsinin müdiri işləyib. 2019-cu ildən etibarən isə Xətai Tibb Mərkəzinin Poliklinika şöbəsinin müdiri kimi fəaliyyət göstərir.
Tanınmış həkim Azərbaycan Respublikası Prezidentinin 17 iyun 2022-ci il tarixli Sərəncamı ilə səhiyyə sahəsində səmərəli fəaliyyətlərinə görə “Tərəqqi” medalı ilə təltif edilib.
