Mərkəzi Gömrük Hospitalının Tibbi laboratoriyasında yeni laboratoriya testi tətbiq olunmağa başlayıb.

Bu barədə Aztibb.az-a Hospitalın mətbuat xidmətindən bildirilib.

Qeyd olunub ki, cəmi 25 dəqiqə ərzində yeni laboratoriya nəfəs testi vasitəsilə Helicobacter pylori bakteriyasının təyin edilməsi xidməti göstərir.  

Mədə və bağırsaq xorasını, mədə xərçəngini və atrofik qastritləri törədən Helicobacter pylori bakteriyası qeyri invaziv, pasiyentə heç bir narahatçılıq vermədən, gözünün önündə asan aparılan 14C-Ur nəfəs testi ilə müəyyən edilir. 14C-Ur nəfəs testi Ümumdünya Səhiyyə Təşkilatı tərəfindən Qızıl Standart kimi qəbul olunub. Testin həssaslığı 95%, spesifikliyi isə 95-100% təşkil edir.

Helicobacter pylori ureaza fermentini ifraz edir. Mədədə bu ferment varsa oral yolla alınan 14C-sidik cövhəri (xəstəyə kapsul şəklində verilir) karbondioksid və amonyaka hidroliz olur. Qanda absorbsiya olaraq ağciyərlərdən verilən hava ilə çıxır və verilən nəfəsdə miqdari ölçülür. Müəyyən dərəcədə işarətli  CO2-nin aşkarlanması aktiv Helicobacter pylori infeksiyasının göstəricisidir.

Helicobacter pylori testindən keçmək üçün qaydalar:

Helicobacter pylori nəfəs testinin aparılma proseduru:

Ətraflı məlumat almaq üçün Mərkəzi Gömrük Hospitalının Çağrı Mərkəzinin (012) 404 08 08 nömrəsinə zəng vurmaq mümkündür.