Stres həyatımızın ayrılmaz hissəsinə çevrilib. Qısamüddətli, güclü olmayan streslər insan sağlamlığı üçün ziyanlı deyil və hətta faydalı sayılır.

Əksinə uzunmüddətli, xroniki streslər isə insan orqanizminə ciddi ziyan vurur və bir çox xəstəliklərin və o cümlədən ürək-damar, endokrin və s. xəstəliklərin inkişafına təkan verir.

Stresi azaltmaq məqsədi ilə müxtəlif üsullardan istifadə etmək olar. Buraya musiqi dinləmək, idman, hobbi, açıq havada gəzintilər, fiziki iş və s. aid ola bilər.

Tanınmış rusiyalı həkim-psixoterapevt Andrey Kurpatov stresin səviyyəsini təsir edən üsullarla bağlı müsahibəsində bildirib ki, elmi araşdırmaların nəticələrinə görə kitab oxumaq stresi çox tez və əhəmiyyətli dərəcədə azaldır. Kitab oxumağa başlayandan 6 dəqiqə sonra stres 60% azalır və insan özünü daha rahat hiss etməyə başlayır. Kitabın janrı burada heç bir rol oynamır. Bu detekviv, sentimental roman və ya ciddi elmi məqalə ola bilər. İstənilən halda kitab stressi azaldır.

Mütəxəssis elektron deyil, adi kağız kitabları seçməyi tövsiyə edir.