Aztibb.az xəbər verir ki, iki gün davam edən konfransın təşkilinin məqsədi tibb işçilərinin bilik və bacarıqlarının təkmilləşdirilməsi, bu sahədə onları müasir yeniliklərlə tanış etmək olub.

 

Konfransda açılış nitqi ilə Elmi-Tədqiqat Tibbi Bərpa İnstitutunun direktoru, t.ü.f.d., Dr. Pərvin Əkbərov çıxış edib. P.Əkbərov konfrans iştirakçılarına İnstitutun tarixindən qısa məlumat verərək, “COVID-19-dan sonra insult riski və bunun üçün qabaqlayıcı reabilitasiya tədbirləri" mövzusunda çıxış edib.

 

Daha sonra ETTBİ-nin Elmi işlər üzrə direktor müavini, professor Sədaqət Hüseynova da İnstitutun elmi istiqamətləri haqqında məlumat verdikdən sonra "İnsultdan sonra reabilitasiyaya yeni yanaşmalar" mövzusunda çıxış edib.

 

Konfransda Eskişehir Osmangazi Universitetinin professoru Dr. Serhat Özkan, Varşava Psixiatriya və Nevrologiya İnstitutunun nümayəndəsi Dr. İvona Sarzinska-Dlugosz, Avropa İnsult Təşkilatının (ESO) Reabilitasiya Departamentinin sədri Aksel Kohlmetz məruzəçi kimi iştirak ediblər.

 

Qonaq qismində TƏBİB-in Strateji inkişaf departamentinin rəhbəri Yaqut Qarayeva, Topçubaşov adına Elmi Cərrahiyyə Mərkəzinin professoru Fuad Həsənov, Azərbaycan Tibb Universitetinin Nevrologiya kafedrasının müdiri Aytən Məmmədbəyli, Həkimlərin Təkmilləşdirmə İnstitutunun Nevrologiya və klinik neyrofiziologiya kafedrasının müdiri Rəna Şirəliyeva iştirak ediblər.

 

Sonda konfrans iştirakçıları sertifikatlarla və davamlı tibbi təhsil (DTT) kredit balları ilə təltif olunublar.