Sumqayıt Tibb Mərkəzinin tabeliyində olan Uşaq xəstəxanasında növbəti maarifləndirici elmi seminar keçirilib.

Bu dəfəki seminarda xəstəxananın həkim-endokrinoloqu Dilşad Babayeva "Hipotireoz" mövzusunda məruzə ilə çıxış edib.

Məruzəçi çıxışında bildirib ki, hipotireoz endokrin sİstemin ən çox rast gəlinən xəstəliklərindəndir.
Qeyd edib ki, hipoterioz vaxtında aşkar edilib düzgün müalicə olunarsa, xəstəliyin proqnozu müsbət olur.
O, uşaq və yeniyetmələrdə tiroid vəzinin çatışmazlığının cinsi və boy inkişafının pozulmasına aparıb çıxardığını vurğulayıb. Eyni zamanda, uşaqlarda müalicə olunmayan hipotireozun bərpa oluna bilməyən əqli geriliyə səbəb olduğunu bildirib.

Seminarda Sumqayıt Uşaq xəstəxanasının həkimlərinin təcrübəsində sözügedən xəstəliklə bağlı rast gəlinən haldan danışılıb, eləcə də həmin pasiyentin müalicə üsulu diqqətə çatdırılıb.

Qarşılıqlı fikir mübadiləsi şəraitində keçən elmi seminarda iştirakçıları maraqlandıran suallar cavablandırılıb.

Qeyd edək ki, seminarda Sumqayıt Uşaq xəstəxanasının baş həkimi Məzahir Müzəffərov da iştirak edib.