İ.M.Seçenov adına Birinci Moskva Dövlət Tibb Universitetinin əczaçılıq üzrə nümayəndə heyəti Azərbaycan Tibb Universitetinin (ATU) qonağı olub.
Aztibb.az xəbər verir ki, ATU-nun əczaçılıq fakültəsini ziyarət edən mütəxəssislər burada tədris prosesinin təşkili ilə yaxından tanış olublar.
Birinci Moskva Dövlət Tibb Universitetinin nümayəndələri ATU-nun Əczaçılıq fakültəsinin dekanı, dosent Fərəh Mədətli ilə görüşüblər. Görüş zamanı qonaqlara universitetin fəaliyyəti, əldə olunan nailiyyətlər, beynəlxalq əlaqələrin təşkili, ATU-nun klinikaları və s. haqqında məlumat verilib.
Daha sonra İ.M.Seçenov adına Birinci Moskva Dövlət Tibb Universitetinin Sənaye əczaçılığı kafedrasının müdiri, Rusiya Elmlər Akademiyasının müxbir üzvü, professor Natalya Pyatiqorskaya təmsil etdiyi ali məktəb haqqında məlumat verib. Görüş zamanı ATU ilə bu qurum arasında əməkdaşlıq istiqamətləri barədə müzakirələr aparılıb.
Sonda qonaqlara xatirə hədiyyələri təqdim olunub.
Səfər çərçivəsində nümayəndə heyəti, həmçinin ATU-nun Əczaçılıq fakültəsinin kafedraları, laboratoriyaları ilə tanış olub, professor-müəllim heyəti ilə fikir mübadiləsi aparıblar.
