Elçin Həmid oğlu İsayev 1952-ci ildə Gəncə şəhərində anadan olub. 1969-1975-ci illərdə Azərbaycan Tibb Universitetində təhsil alıb.
O, 1984-cü ildə dissertasiya işini uğurla müdafiə edərək tibb üzrə fəlsəfə doktoru elmi dərəcəsini alıb, 1986-cı ildə "Baş elmi işçi" diplomuna layiq görülüb. SSR-i Səhiyyə Əlaçısı olub.
Elçin İsayev 1975-ci ildən 5 nömrəli Xəstəxananın mədə-bağırsaq həkimidir. Burada işlədiyi 47 ilin 28 ilini o, Qastroenteroloqiya şöbəsinin müdiri vəzifəsində çalışıb.
Alim 80-dən çox elmi işin müəllifidir. Onun elmi məqalələri müxtəlif ölkələrin nüfuzlu jurnallarında çap olunub.
O, səhiyyə sahəsində səmərəli fəaliyyətinə görə ölkə Prezidenti İlham Əliyevin 16 iyul 2022-ci il tarixli sərəncamı ilə “Əməkdar həkim” fəxri adına layiq görülüb.
_191.jpg "İnfarktdan sonra ürəyi zədələnmələrdən qorumağın yolu tapılıb")
