Sumqayıt Tibb Mərkəzinin tabeliyində olan 1 nömrəli şəhər xəstəxanasının Poliklinika şöbəsində növbəti maarifləndirici seminar keçirilib.

 

Aztibb.az xəbər verir ki, “Diabetik retinopatiya” mövzusuna həsr olunmuş bu dəfəki seminarda poliklinikanın həkim-oftalmoloqu Nailə Hüseynova geniş təqdimatla çıxış edib.

 

N.Hüseynova bildirib ki, diabetik retinopatiya şəkərli diabet zamanı gözün tor qişasının damarlarının zədələnməsi nəticəsində baş verən хəstəlikdir.

 

Qeyd olunub ki, retinopatiya şəkərli şəхslərdə görmənin aşağı düşməsinin əsas səbəbidir. Vurğulanıb ki, diabetik retinopatiya zamanı dəyişikliklər hər iki gözdə baş verir.

 

Qanda yüksək şəkəri olan хəstələrdə, eləcə də yüksək qan təzyiqi olanlarda diabetik retnopatiya daha sürətlə inkişaf edir: “Hamiləlik zamanı diabetik retnopatiyanın inkişafı tezləşə bilər. Buna görə hamiləlikdən əvvəl və hamiləlik dövrü ərzində göz həkimi tərəfindən göz dibi yoхlanılmalıdır”.

 

N.Hüseynova diabetik retinopatiyanını aşkar edilməsi üçün tətbiq olunan müayinə üsullarından və xəstəliyin müalicə yollarından danışıb. Müalicədə məqsəd gözün görməsini sabitləşdirmək, yəni görmənin daha da pisləşməsinin qarşısını almaqdır.

 

Qarşılıqlı fikir mübadiləsi şəraitində keçən seminarda həkimləri maraqlandıran suallar cavablandırılıb.

 

Qeyd edək ki, seminarda Sumqayıt Tibb Mərkəzinin direktor müavini İlkin Namazov da iştirak edib.