Uzman həkim Süsən Məmmədova Kliniki Tibbi Mərkəzin tabeliyində olan 5 nömrəli Kliniki Doğum Evinin mama-ginekoloqu təyin edilib.
Bu barədə Aztibb.az-a Mərkəzdən bildirilib.
Qeyd olunub ki, Süsən Məmmədova 14 mart 1977-ci ildə Bakı şəhərində anadan olub. 1996-2002-ci illərdə Azərbaycan Tibb Universitetinin (ATU) Müalicə işi fakültəsində təhsil alıb. 2002-2003-cü illərdə Ə.D.Məlikov adına Binəqədi Tibb Mərkəzində Terapiya ixtisası üzrə internatura keçib.
O, 2014-cü ildə Ankarada Atatürk Eğitim və Araştırma xəstəxanasında uzmanlıq təhsilinə başlayıb. 2019-cu ildə Mersin Universitetinin Tibb fakültəsində təhsilini davam etdirərək uzman həkim adını alıb.
Süsən Məmmədova 2015-ci ildə Ankara Zekai Tahir Burak xəstəxanasında çalışıb.
2022-ci ilin aprel ayına qədər Ankarada “A Life Hospital” xəstəxanasında uzman cərrah, mama-ginekoloq işləyib.
