Azərbaycanda tibbi turizmin inkişafı üçün potensial böyükdür - Malayziya Səhiyyə Səyahət Şurası
27.06.2022 18:50

Azərbaycanda tibbi turizmin inkişafı üçün potensial böyükdür.

 

Aztibb.az xəbər verir ki, bunu Trend-ə müsahibəsində Malayziya Səhiyyə Səyahət Şurasının Baş İcraçı Direktoru Mohd Daud Mohd Arif deyib.

 

Bakıya ilk dəfədir ki, səfər etdiyini qeyd edən direktor səfərlə bağlı gözləntilərinin yüksək olduğunu bildirib.

 

“Azərbaycana etdiyimiz səyahətlə bağlı bir neçə istiqamətdə gözləntilərimiz var. Bunlardan biri də Azərbaycan və Malayziya arasında turist mübadiləsinin təşkili və insanları buna necə təşviq edə biləcəyimizlə bağlıdır”, - deyə o əlavə edib.

 

M.Arif, həmçinin tibbi turizm sahəsinin nə olduğundan və insanları hansı imkanlarla təmin etdiyindən bəhs edib.

 

“Tibbi turizm özündə bir neçə mənanı ehtiva edir. Ən əsası isə tibbi turizm turistlərə səyahət etdikləri ölkədə müalicə, profilaktika, diaqnostika və digər tibbi xidmətlərin göstərilməsini nəzərdə tutan bir turizm növüdür. Bizim əsas məqsədimiz tibbi turizm sahəsini qlobal səviyyədə inkişaf etdirməkdir. Azərbaycanda tibbi turizmin inkişafı üçün potensial böyükdür. Biz bu sahədə təcrübələrimizi və biliklərimizi Azərbaycanla bölüşməyə hazırıq", - deyə o bildirib.

 

Malayziyada tibbi turzim sahəsinin imkanlarını qeyd edən direktor orada insanların yüksək keyfiyyətli tibbi müalicə əldə edə biləcəklərini vurğulayıb.

 

“Bizim səhiyyə sistemi yüksək səviyyədə tənzimlənir. Qiymətlərə gəldikdə isə Malaziyada tibbi müalicələrin qiymətləri olduqca sərfləridir. Buna səbəb də hər kəsin sağlamlıq imkanlarından bərabər fayladana bilməsidir. Digər ölkələrlə müqayisə edilsə, Malayziyada qiymətlərin daha aşağı olduğunu görərlər.

 

Mənim direktoru olduğum qurum Malayziya Səhiyyə Səyahət Şurası (MHTC) Səhiyyə Nazirliyinin nəzdində sənaye əməkdaşlıqlarını koordinasiya etməklə, ölkədə və xaricdə dəyərli dövlət-özəl tərəfdaşlıq qurmaqla Malayziyanın səhiyyə səyahət sənayesini asanlaşdırmaq və təşviq etmək vəzifəsi daşıyan bir agentlikdir. Üzvlük xidmətimiz beynəlxalq xəstələrə nümunəvi xidmət göstərən Malayziya səhiyyə müəssisələrindən ibarətdir”, – deyə o əlavə edib.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Sürətli döyüntünün tək səbəbi ürək deyil!
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb