İcbari Tibbi Sığorta üzrə Dövlət Agentliyi, Azərbaycan Respublikası Səhiyyə Nazirliyi, TƏBİB, K.Y.Fərəcova adına Elmi-Tədqiqat Pediatriya İnstitutunun birgə təşkilatçılığı ilə “Elmi-tədqiqatların aparılma prinsipləri və rast gəlinən çətinliklər” mövzusunda onlayn konfrans keçirilib.

 

Aztibb.az xəbər verir ki, konransın açılışı institutun direktoru, t.ü.f.d. Allahverdi Musayevin nitqi ilə başlayıb. Direktor gənc kadrların elmə cəlb olunması, aktivləşdirilməsi, elmi tədqiqatların və innovasiya fəaliyyətinin inkişafı üçün bu kimi tədbirlərin keçirilməsinin vacibliyini bildirib.

 

Daha sonra Türkiyə Respublikasının Haccətəpə, Ege Universitetindən aparıcı professorlar məruzə ilə çıxışlar ediblər.

 

Tədbir “ZOOM” platforması üzərindən, 3 saat ərzində keçirilib. Konfransın keçirilməsində məqsəd elmi-tədqiqat işlərinin təkmilləşdirilməsi və inteqrasiyası, məqalələrin beynəlxalq jurnallarda dərc olunması yollarının müzakirəsi olub.

 

Sonda mövzular ətrafında geniş müzakirələr aparılıb, suallar cavablandırılıb.