Təcrübəli həkim Şəbnəm Topbaştekin Kliniki Tibbi Mərkəzin Radiologiya şöbəsinin həkim-radioloqu vəzifəsinə təyin olunub.

 

Bu barədə Aztibb.az-a Mərkəzdən məlumat verilib.

 

Bildirilib ki, Şəbnəm Topbaştekin 30 noyabr 1985-ci ildə Bakı şəhərində anadan olub. 2003-2009-cu illərdə Azərbaycan Tibb Universitetində təhsil alıb. 2009-2010-cu illərdə Mərkəzi Dənizçilər Xəstəxanasında şüa-diaqnostikası üzrə internatura keçib.

 

O, 2012-2022-ci illərdə 3 saylı Uşaq Kliniki Xəstəxanasında, 2014-2021-ci illərdə isə 17 saylı Birləşmiş Şəhər Poliklinikasında həkim-radioloq vəzifəsində çalışıb.

 

2014-cü ildə İstanbul Eğitim Araştırma Xəstəxanasında “Ultrasəs və doppleroqrafiya təlimi”, 2015-ci ildə Marmara Eğitim Araştırma Xəstəxanasında “Ginekoloji ultrasəs” üzrə kurs keçib.

 

Şəbnəm Topbaştekin "Ginekoloji və Reproduktiv Təbabətin Problemləri", "Azərbaycan Radioloqlarının II Beynəlxalq Elmi-Praktiki Konfransı"nda, eləcə də “Türk Uroginekologiya və Pelvik Bərpa Cərrahiyyə Dərnəyi”nin elmi konfranslarında iştirak edib.