Bu gün Nərimanov Tibb Mərkəzində Tibb İşçilərinin Peşə Bayramı Günü münasibətilə tədbir keçirilib.

Əvvəlcə Mərkəzin direktoru Fazil Alməmmədov çıxış edərək əlamətdar gün münasibətilə əməkdaşları təbrik edib, bu çətin, məsuliyyətli, fədakar və şərəfli iş fəaliyyətində onlara uğurlar arzulayıb. O, ümummilli lider Heydər Əliyevin 2001-ci il 4 iyun tarixli Sərəncamına əsasən hər il 17 iyun tarixinin ölkəmizdə Tibb İşçilərinin Peşə Bayramı günü kimi qeyd olunduğunu bildirib.

Fazil Alməmmədov vurğulayıb ki, Prezident İlham Əliyevin və Birinci vitse-prezident Mehriban xanım Əliyevanın diqqət və qayğısı ilə ölkəmizdə müasir tibb ocaqları tikilir, ehtiyacı olan səhiyyə müəssisələri bərpa olunaraq müasir avadanlıqlarla təmin edilir. 

Direktor, həmçinin ölkə başçısının 16 iyul 2022-ci il tarixli Sərəncamına əsasən "Əməkdar həkim" fəxri adına layiq görülmüş Nərimanov Tibb Mərkəzinin həkim-qastroenteroloqu Elçin İsayevi təbrik edib, ona fəaliyyətində müvəfəqiyyətlər arzulayıb.