Səhiyyə Nazirliyi İctimai Səhiyyə və İslahatlar Mərkəzi ilə Ailə, Qadın və Uşaq Problemləri üzrə Dövlət Komitəsinin birgə əməkdaşlığı çərçivəsində Sabirabadda “Reproduktiv sağlamlıq və ailə planlaşdırılması” mövzusunda tədbir keçirilib.

 

Aztibb.az xəbər verir ki, Heydər Əliyev Mərkəzində təşkil olunan tədbirdə Sabirabad rayon İcra Hakimiyyəti Başçısının müavinləri Həsən Həsənov və Ceyran Xəlilova, Sabirabad rayon Mərkəzi Xəstəxanasının baş həkimi Ənvər Lümanov çıxış edərək, yeni nəslə zərərli vərdişlərdən uzaq olmağı tövsiyə ediblər, gənc yaşlarda reproduktiv sağlamlığı qorumağın vacibliyini bildiriblər.

Səhiyyə Nazirliyin İctimai Səhiyyə və İslahatlar Mərkəzinin həkim-metodisti Zümrüd Kazımova geniş təqdimatla çıxış edərək, reproduktiv sağlamlığın əsas amillərindən söz açıb. O, fərdi gigiyena qaydaları, ailə planlaşdırılması və müasir kontraseptiv üsullar barədə ətraflı məlumat verib, həmçinin abortların, erkən nikahların fəsadlarından bəhs edib.

 

Ailə, Qadın və Uşaq Problemləri üzrə Dövlət Komitəsinin Ailə problemləri şöbəsinin müdir müavini Kamila Əliyeva gənclərin həyatında reproduktiv sağlamlıqla bağlı yaşanan problemlərdən, ailə planlaşdırılmasının vacibliyindən bəhs edib.

 

Yekunda iştirakçıları maraqlandıran suallar cavablandırılıb.