İyunun 13-də GEANT Assosiasiyasının e-səhiyyə işçi qrupunun iclası keçirilib. İtaliyanın Triest şəhərində hibrid formada təşkil olunmuş tədbirdə AMEA İnformasiya Texnologiyaları İnstitutunun şöbə müdiri, AMEA-nın müxbir üzvü, professor Məsumə Məmmədova və onun rəhbərlik etdiyi şöbənin əməkdaşları iştirak ediblər.

İclasda çıxış edən Assosiasiyanın səlahiyyətli nümayəndəsi Mario Reale ötən dövr ərzində işçi qrupun fəaliyyəti, aparılan tədqiqatların, icra edilən layihələrin nəticələri haqqında məlumat verib, bugünkü iclasın böyük maraq doğuran tədqiqatların müzakirəsinə həsr olunduğunu vurğulayıb.  

Sonra tədbirdə  “The EHDS and EU DGA. Sharing eHealth data. Data Valley White Paper”, “Towards a European Sovereign Health Data Space”, “Digital ecosystem for women’s & children’s health: experimentation of a certified platform for advanced telemedicine” və digər mövzularda aparılan tədqiqatların nəticələri təqdim olunub.

Hər bir çıxış ətrafında geniş müzakirələr aparılıb.