Xəstəxanada çalışan tibb heyətinin iştirak etdiyi elmi seminarı Sumqayıt Uşaq Xəstəxanasının baş həkimi Məzahir Müzəffərov açaraq mütəmadi olaraq müxtəlif mövzularda elmi seminarların keçiriləcəyini və bu kimi tədbirlərin mühüm əhəmiyyət kəsb etdiyini bildirib.

 

Məruzəçi N.Nəsibova xəstəxananın acil şöbəsinin fəaliyyəti haqqında seminar iştirakçılarına məlumat verib. Həkim-pediatr təqdimatında azyaşlılarda qızdırmanı yaradan səbəblərdən, törətdiyi fəsadlardan və simtomatik müalicədən bəhs edib. Bununla yanaşı, təqdimatda yaş qruplarına görə qızdırmaya yanaşma, febril qıcolmaların müalicəsi və mövcud dünya protokolları seminar iştirakçılarının diqqətinə çatdırılıb.

 

Qarşılıqlı fikir mübadiləsi şəraitində keçən seminarda həkimləri maraqlandıran suallar cavablandırılıb.

 

Bu kimi maarifləndirici seminarların mütəmadi olaraq keçirilməsinin vacibliyi vurğulanıb.