Mərkəzi Gömrük Hospitalının ümumi cərrahı, t.f.d. Aynur Səfiyeva 7-13 iyun 2022-ci il tarixlərində "ŞUŞA İLİ - 2022" çərçivəsində keçirilən Qarabağ III Beynəlxalq Tətbiqi Elmlər Konqresində “Kolorektal poliplərin diaqnostika və müalicəsində kolonoskopiyanın əhəmiyyəti” mövzusunda təqdimatla çıxış edib.

 

Aztibb.az xəbər verir ki, A.Səfiyeva çıxışında kolerektal poliplərin diaqnostikasında və mülicəsində kolonoskopiynın əhəmiyyətini vurğulayıb, o cümlədən yaşı 40 üzərində olan bütün xəstələrin kolonoskopiya müayinəsindən keçməyi tövsiyə edib.

 

Qeyd edək ki, konqresin Azərbaycan tərəfindən təşkilatçıları Azərbaycan Milli Elmlər Akademiyası, Molekulyar Biologiya və Biotexnologiyalar İnstitutu, Genetik Ehtiyatlar İnstitutu, Naxçıvan Dövlət Universiteti, Azərbaycan Dövlət Pedaqoji Universiteti, Azərbaycan Dövlət Aqrar Universiteti, Xəzər Universiteti, Naxçıvan Universiteti, Türkiyə tərəfindən isə Türkiyə Respublikası Mədəniyyət və Turizm Nazirliyinin tabeliyində fəaliyyət göstərən İqtisadi İnkişaf və Sosial Tədqiqatlar İnstitutudur.