Sumqayıt Tibb Mərkəzinin tabeliyində olan 1 nömrəli şəhər xəstəxanasının Poliklinika şöbəsində “Xroniki ürək çatışmazlığı: müasir müalicə metodları” mövzusunda maarifləndirici seminar keçirilib.
Seminarda mövzuyla bağlı Poliklinika şöbəsinin kardioloqu Xatirə Əliyeva təqdimatla çıxış edib.
Təqdimatda xroniki ürək çatışmazlığını yaradan səbəblər haqqında seminar iştirakçılarına ətraflı məlumat verilib. Xatirə Əliyeva xəstəliyin əlamətlərindən, müasir müalicə üsullarından və qəbul edilmiş dünya protokollarından bəhs edib.
Qarşılıqlı fikir mübadiləsi şəraitində keçən seminarda həkimləri maraqlandıran suallar cavablandırılıb.
Bu kimi maarifləndirici seminarların mütəmadi olaraq keçirilməsinin vacibliyi vurğulanıb.
Qeyd edək ki, seminarda Sumqayıt Tibb Mərkəzinin (STM) direktor müavini İlkin Namazov, Təcili Təxirəsalınmaz Yardım Stansiyasının baş həkimi Famil Qaflanov da iştirak edib.
