İcbari Tibbi Sığorta üzrə Dövlət Agentliyinin uşaq sığınacaqlarında keçirdiyi tibbi müayinələr zamanı ixtisaslı həkim müayinəsinə etiyacı olduğu müəyyən edilənlərin müxtəlif tibb müəssisələrində müayinələri davam edir.

Aztibb.az-ın məlumatına görə, növbəti müayinələr K.Fərəcova adına Elmi-Tədqiqat Pediatriya İnstitutunda həyata keçirilib.

İxtisaslı həkim qəbulunda olan 14 uşaq laborator və instrumental müayinələrə cəlb edilib.

Müayinə edilənlərdən birinə cərrahi əməliyyat təyin olunub. Sol bazu sümüyündə sınıqlar aşkar edilən bir uşağın qoluna gips sarğısı qoyulub, bir nəfər isə Uşaq Nevroloji Xəstəxanasına göndərilib. Oftalmoloji müayinədən sonra təyin olunan eynəklər, eləcə də müayinə olunan uşaqların müalicə prosesində istifadə olunacaq dərman preparatlarını İcbari Tibbi Sığorta üzrə Dövlət Agentliyi təmin edəcək.