Aztibb.az xəbər verir ki, Mərkəzi Klinikada uşaq cərrahı Fuad Hüseynovun rəhbərliyi ilə icra olunmuş uğurla əməliyyatdan sonra körpə sağlamlığına qovuşub.

 

Belə ki, çəkisi 2 kq-a çatan körpənin vəziyyəti əvvəl normal olub. Lakin bir müddət sonra uşaqda ciddi narahatlıq, qusma, qasıq nahiyyəsində şişkinlik və göyərmə başlayıb:

"Valideynlər nə olduğunu anlamadan, bu vəziyyətin üzərindən 1 gün keçdikdən sonra rayondakı və yaxın ərazidəki bütün xəstəxanalara müraciət ediblər. Çəkisi az və vəziyyəti ağır olduğu üçün həkimlər kömək göstərə bilməyiblər.

 

Körpə hadisənin üzərindən təqribən 48 saat keçdikdən sonra olduqca ağır vəziyyətdə Mərkəzi Klinikaya çatdırılıb. Uşağı bu vəziyyətə salan boğulmuş qasıq yırtığı idi. Ciddi qan azlığı, infeksiya dəyərlərində artım olsa da məcburi təcili əməliyyata aldıq. Təəssüf ki, gecikdirilmiş 48 saat öz işini görmüşdü. Körpə sağ xayasını və bağırsağının bir qismini itirməliu oldu".

 

Həkim qeyd edib ki, bağırsaq yırtıq kisəsində boğulduğu üçün həm özünün, həm də xayanın qidalanması pozub nekroz etmiş, yəni çürümüşdü. Beləliklə, sağ xaya xaric olundu, nazik bağırsağın nekroz olunmuş hissəsi çıxarılaraq uc-uca tikildi.

 

Məlumata görə, yenidoğulmuş əməliyyatdan sonra ağır vəziyyətdə neonotoloji reanimasiya şöbəsinə köçürülüb. Mərkəzi Klinikanın peşəkar neonotoloqlarının gərgin səyləri nəticəsində körpə ağır günləri geridə qoyub.