Səhiyyə Nazirliyi, Təhsil Nazirliyi, Ailə, Qadın və Uşaq Problemləri üzrə Dövlət Komitəsinin birgə əməkdaşlığı ilə “Gələcəyimizi bir yerdə qoruyaq, narkomaniyaya yox deyək!” adlı maarifləndirici tədbir keçirilib.

Səhiyyə Nazirliyinin İctimai Səhiyyə və İslahatlar Mərkəzinın (İSİM) rəsmi instaqram səhifəsində bildiririlir ki, onlayn formada təşkil olunan tədbirdə Sabirabad rayon Babək Rəhimov adına tam orta məktəbin müəllim-şagird heyəti və valideynlər iştirak edib. Dövlət Komitəsinin əməkdaşı Nailə İbrahimova çıxış edərək maarifləndirici tədbirlərin əhəmiyyətini vurğulayıb.

İSİM-in şöbə müdirinin müavini Ülkər Camalova narkomaniyanın fəsadlarından, insan sağlamlığına və həyatına göstərdiyi mənfi təsirlərdən danışaraq iştirakçıları zərərli vərdişlərdən uzaq olmağa çağırıb.

Tədbirin sonunda iştirakçıları maraqlandıran suallara ətraflı cavab verilib.