Ürək-damar cərrahı, Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, Milli Məclisin Səhiyyə Komitəsinin sədr müavini, t.e.d. Rəşad Mahmudov Azərbaycan Nefroloqlar Cəmiyyətinin təşkilatçılığı ilə 2-4 iyun tarixlərində Bakı şəhərində keçirilən III Milli Nefroloji, Dializ və Transplantologiya konqresində iştirak edib.

 

Tədbirdə Azərbaycan, Türkiyə və bir çox ölkələrin aparıcı həkimləri, alimləri, o cümlədən Türkiyənin Başkent Universitetinin və xəstəxanasının qurucusu, dünyaca məşhur alim, həkim, transplantoloq Mehmet Haberal də iştirak edib. Konqresin məruzəçiləri nefroloqlar, hemodializ mütəxəssisləri, transplantoloqlar üçün təqdimatlarla çıxış edib və bu sahə üzrə ən son yeniliklərdən danışıblar.

 

Tədbirin sonunda iştirakçıların sualları cavablandırılıb.