3 iyun 2022-ci il tarixində Bakı Sağlamlıq Mərkəzi və Azərbaycan Dövlət Neft və Sənaye Universiteti arasında əməkdaşlıq memorandumu imzalanıb.
Tədbirdə Azərbaycan Dövlət Neft və Sənaye Universitetinin rektoru, professor Mustafa Babanlı açılış nitqi ilə çıxış edərək, ölkənin aparıcı təhsil və səhiyyə sahəsinin iştirakçıları olan müəssisələr arasında tərəfdaşlıq memorandumunun imzalanmasının önəmini vurğulayıb, əməkdaşlığın hədəfləri ilə bağlı gözləntilərini və planlanan nəticələrin müzakirəsi ilə bağlı fikirlərini bölüşüb.
Bakı Sağlamlıq Mərkəzinin icraçı direktoru Asiman Həsənov ölkənin aparıcı təhsil ocaqlarından olan Azərbaycan Dövlət Neft və Sənaye Universiteti ilə tərəfdaşlıq memorandomu imzalamaqlarından məmnun olduqlarını, sənədin həm təhsil, həm də səhiyyə sahəsində yeniliklərə imza atmaqla bağlı qarşıya ciddi hədəflər qoyduğunu bildirib.
Tədbirin ikinci hissəsində Bakı Sağlamlıq Mərkəzinin həkim radioloqları İlham Kazımov və Nuridə Tağıyevə tərəfindən Azərbaycan Dövlət Neft və Sənaye Universitetinin Biotexniki Mühəndislik fakultəsinin tələbələrinə şüa diaqnostika sahəsində istifadə olunan cihazlar, onların ən son texnoloji nəaliyyətləri və yenilikləri barədə seminar keçirilmişdir.
Memorondumdan irəli gələrək işləniləcək layihələrin detalları barədə ətraflı məlumat ictimaiyyətlə bölüşüləcək.
