Bakıda 29 may - 1 iyun 2022-ci il tarixlərində Qlobal Sülh Zənciri təşkilatı tərəfindən təşkil olunan Qlobal Sülh Sammiti keçirilib.

 

Aztibb.az xəbər verir ki, ünyanın 35-dən çox ölkəsindən Bakıya toplanmış gənclər dünyadakı olan qlobal problemləri, müharibədən sonra yaranan sülh imkanları və şəxsi sülh təşəbbüsləri barədə fikirlərini bildirdilər, panel diskussiyalarda iştirak ediblər.

 

Qlobal Sülh Zənciri (Global peace chain) dünyanın tanınmış qeyri-hökumət təşkilatlarından biridir və məqsədi gənclər, diplomatlar, səfirlər, nüfuzlu icma qrupları, icma əsaslı təşkilatlar vasitəsilə dünyada tolerantlıq, inklüzivlik və sosial sülhün qurulması mədəniyyətini inkişaf etdirməkdir. Bundan əvvəl sammitə İstanbul, Dubay kimi şəhərlər ev sahibliyi edib.

 

Açılış mərasimində təsisçilərdən sonra Səhiyyə Nazirliyi İctimai Səhiyyə və İslahatlar Mərkəzinin (İSİM) nümayəndəsi Aysel Məmmədzadə geniş təqdimatla çıxış edərək bildirdi ki, sülh yalnız müharibələrin olmaması deyil, cəmiyyətdə, ətraf mühit və dünyada harmoniya vəziyyətinin olmasıdır: “Bu il 31 may – Ümumdünya Tütünsüz Gününün şüarı tütün ətraf mühit üçün təhlükədir. Tütünçəkmə zərərli vərdiş olmaqla yanaşı, ətraf mühitə, təbiətə ziyan vurur, harmoniyanı pozur”. O, Səhiyyə Nazirliyi və İSİM tərəfindən görülən işlər, əhali arasında keçirilən maarifləndirmə tədbirləri barədə ətraflı danışaraq, tütündən imtina üzrə qaynar xəttin fəaliyyəti, eləcə də bu istiqamətdə hazırlanaraq əhalinin ixtiyarına verilən mobil tətbiqlər haqqında məlumatı qonaqların nəzərinə çatdırıb.

 

Aysel Mammədzadənin sülh konsepsiyası, eləcə də təqdimatı, səhiyyə işçiləri və ictimai səhiyyə mütəxəssisləri tərəfindən ölkəmizdə həyata keçirilən maarifləndirici tədbirlər iştirakçılar tərəfindən maraqla qarşılanıb.