Elmi-Tədqiqat Tibbi Profilaktika İnstitutunda Elmi Şuranın növbəti iclası keçirilib.

 

Əvvəlcə müəssisənin elmi katibi Şeyda Şıxəliyeva iclasın gündəliyi barədə iştirakçılara məlumat verib.

 

O, institutun elmi əməkdaşlarının attestasiyadan keçməsi qaydaları haqqında məlumat verib, bu məqsədlə təşkil olunmuş Attestasiya Komissiyasının tərkibini açıqlayıb.

 

Tədbirdə attestasiya zamanı əməkdaşların elmi fəaliyyətini qiymətləndirmək məqsədilə onların fəaliyyət göstəricilərinin nəzərə alınacağı qeyd olunub.

 

İclasda Elmi Şuranın sədri, professor Adil Allahverdiyev və Elmi Şura üzvü, professor Akif Qurbanov fəaliyyət göstəricilərinin elmi əməkdaşların fəaliyyətinin dəyərləndirilməsində mühüm əhəmiyyət daşıdığını vurğulayıblar.

 

Sonda professor Akif Qurbanov institutun 100 illik yubileyinə hazırlıqla bağlı görülən işləri diqqətə çatdırıb.