Böyük Britaniyada nadir sklerodermiya autoimmun xəstəliyindən əziyyət çəkən şəxsə donor əlləri transplantasiya edilib.

Aztibb.az xarici KİV-ə istinadla xəbər verir ki, nadir patalogiya xəstədə 12 il əvvəl aşkarlanıb. Xəstəlik dəri və daxili orqanların birləşdirici toxumalarında fibrotik dəyişikliklərlə özünü biruzə verir. Bu da şiddətli ağrı və narahatlığa səbəb olur.

Proqressiv sklerodermiya xəstəni sərbəst hərəkətetmə qabiliyyətindən məhrum edib. Həkimin təklifi ilə donor əllərin transplantasiya olunması barədə qərar qəbul olunub və əməliyyat uğurla yekunlaşıb.

Pasiyent hələ də reabilitasiya mərhələsindədir, lakin onun vəziyyəti getdikcə yaxşılaşır. Ev işlərində başqalarının köməyinə nadir hallarda ehtiyac duyur və gələcəkdə işə qayıtmağa ümid edir.