“Bu gün Türk dünyasında ilk cümhuriyyət olan Azərbaycan Xalq Cümhuriyyətinin 104-cü ildönümüdür. Bu münasibətlə Azərbaycanı, bütün Türk dünyasını təbrik edirəm”.

Aztibb.az-ın məlumatına görə, bunu bu gün "Texnofest Azərbaycan" texnoloji festivalında çıxışında Nobel mükafatı laureatı Əziz Sancar bildirib.

Əziz Sancar deyib ki, "Texnofest Azərbaycan" texnoloji festivalında iştirakı üçün çox xoşbəxtdir: “Bir tövsiyəm var. Mən xərçəng xəstəliyi ilə bağlı çalışarkən Nobel mükafatı almaq üçün çalışmadım, insanlığa xeyir vermək üçün çalışdım. Dürüst, əxlaqlı olun. Bu formada çalışarkən mükafatınızı da alarsınız. Fatih Sultan Mehmet İstanbulu fəthdən əvvəl demişdi ki, ya mən səni alacam, ya da sən məni alacaqsan. Əziz gənclər, Vətəninizi sevin. Mənim üçün ən önəmli olanlardan biri Türk Dünyasının inkişafıdır. Mardində kasıb bir ailədən gələn bir uşağa bir şansı verən məmləkətinizə güvənin. Məmləkətim deyəndə həm Türkiyə, həm də Azərbaycanı nəzərdə tuturam”.