Elmi-Tədqiqat Kardiologiya İnstitutu və Mərkəzi Klinik Xəstəxananın birgə təşkilatçılığı ilə “Ürəyin koronar xəstəliyinin diaqnostikası və müalicəsinə aktual yanaşma” mövzusunda elmi-praktik konfrans keçirilib.

 

Tədbirdə akad.C.Abdullayev adına Elmi-Tədqiqat Kardiologiya İnstitutunun direktoru, prof. Gülnaz Dadaşova, Məzkəzi Klinik Xəstəxananın baş direktoru Həsən Qəndilov, Mərkəzi Klinik xəstəxananın baş həkimi, t.e.d. Kamran Musayev, Səhiyyə Nazirliyinin Səhiyyənin təşkili şöbəsinin müdiri Anar İsrafilov, Bakı Sağlamlıq Mərkəzinin direktoru Asiman Həsənov, Azərbaycan Respublikasının baş kardioloqu, t.e.d. Yusif Nağıyev, Azərbaycan Kardiologiya Cəmiyyətinin sədri, t.ü.f.d. Üzeyir Rəhimov və ölkənin media nümayəndələri iştirak ediblər.

 

Konfransa, həmçinin bir sıra tanınmış həkim və alimlər onlayn olaraq qoşulublar.

 

4 oturumdan ibarət olan tədbirdə müxtəlif mövzularda təqdim olunan məruzələr böyük maraqla qarşılanıb. 

 

Sonda iştirakçılara sertifikatlar təqdim edilib.