Aztibb.az xəbər verir ki, görüşdə ATU-nun rektoru, professor Gəray Gəraybəyli universitetə xarici tələbələrin qəbul qaydalarından, onların təhsili üçün yaradılan şəraitdən danışıb. Rektor G.Gəraybəyli onu da bildirib ki, ATU istər İran universitetləri ilə əlaqələrdə, istərsə də səhiyyə sisteminin inkişafı, həkimlərin təcrübə mübadiləsi istiqamətlərində daim İranla sıx əməkdaşlıq edib.

 

İran İslam Respublikasının Azərbaycandakı səfiri Seyed Abbas Musəvi öz ölkəsindən olan tələbələrin ATU-dakı təhsil səviyyəsi və yaşayış üçün yaradılmış şəraitdən razı olduqlarını bildirib. O, ATU-da təhsil alan iranlı tələbələrlə mütəmadi görüşdüyünü də qeyd edib. Cənab səfir ikili diplomların tanınması ilə bağlı prosedurlarla da razı olub.