"Yuxu sağlam həyat tərzinin əsaslarından biridir. Orqanizmin bərpası yalnız yuxuda olduğunuz zaman baş verir".
Aztibb.az xəbər verir ki, bunu endokrinoloq-dietoloq Safura Mahmudova deyib.
O, bildirib ki, öncə yuxu vaxtına və müddətinə diqqət etmək lazımdır:
"Ən ideal yuxu saat 23:00 ilə 03:00 arasındadır. Gündəlik ideal yuxu müddəti isə 6-8 saat arasında dəyişir. Qeyd edim ki, 6 saatdan az və 8 saatdan çox yatmağın bir faydası aşkar olunmayıb.
O, həmçinin zamanında və kifayət qədər olan sağlam yuxunun faydalarını açıqlayıb:
- immuniteti artırır
- qavrama qabiliyyətini gücləndirir
- diqqəti qüvvətləndirir
- xolesterini azaldaraq ürək xəstəliklərindən qoruyur
- orqanizmdən toksinlərin xaric olunmasına kömək edir
- xərçəng xəstəliyi riskini azaldır
- piylənmədən qoruyur
- qocalmanın qarşısını alır
- insult və infarkt riskini azaldır.