Sumqayıt Tibb Mərkəzinin (STM) tabeliyində olan 3 nömrəli Ailə Sağlamlıq Mərkəzində (ASM) "Uşaqlarda, böyüklərdə və hamilələrdə anemiyalar, onların yaranma səbəbləri, müayinə və müalicə" mövzusunda seminar keçirilib.

 

Tədbirdə 3 nömrəli ASM-in pediatrı Günay Allahverdiyeva, terapevti Fərqanə İbrahimova və ginekoloqu Xuraman Sadıqova mövzu ilə bağlı təqdimatlarla çıxış ediblər.

 

Təqdimatlarda uşaqlarda, böyüklərdə və hamilələrdə anemiyaları yaradan səbəblər, bu sahədə mövcud olan müalicə və müayinə üzrə dünya protokollarından geniş bəhs olunub.

 

Qarşılıqlı fikir mübadiləsi şəraitində keçən seminarda həkimləri maraqlandıran suallar cavablandırılıb, bu sahədə həyata keçirilən tədbirlərdən söz açılıb.

 

Qeyd edək ki, tədbirdə STM-in direktor müavini İlkin Namazov da iştirak edib.