Elmi-Tədqiqat Pediatriya İnstitutunun direktoru t.ü.f.d. A.A.Musayev, 1 nömrəli Bakı Tibb kollecinin direktoru Nailə Əliyeva və  Nahidə Nağıyevanın iştirakı ilə 1 nömrəli Bakı Tibb kollecində olimpiada keçirilib.

 

Aztibb.az xəbər verir ki, kollecin yaranmasının 120 illiyinə həsr olunmuş olimpiada “Təxirəsalınmaz Tibbi Yardım” mövzusunda keçirilib. Tədbirin keçirilməsində məqsəd tibb bacısının (qardaşının) vaxtında, düzgün aparılmış yardımının vacibliyini çatdırmaq olub.

 

Olimpiadada Tibb bacısı şöbəsinin “Şəfqət”, Müalicə işi şöbəsinin “MedStars”, Mamalıq işi şöbəsinin “Yeni nəfəs “, Müalicə masajı şöbəsinin “Xüsusi təyinatlı təbib” komandaları iştirak ediblər.

 

Komandalar “Desmurgiya”, “Arterial qanaxmanın dayandırılması”, “Böyüklərdə təməl yaşam dəstəyi” və “İmmobilizasiya” mövzularında yarışıblar. Müalicə işi şöbəsinin “MedStars” komandası qalib olub və qaliblər diplom və hədiyyələrlə mükafatlandırılıb.