Azərbaycan Tibb Universitetinin Uşaq stomatologiyası kafedrasının dosenti Ramidə Şadlinskayaya Azərbaycan Respublikasının Prezidenti yanında Ali Attestasiya Komissiyasının qərarı ilə tibb elmləri doktoru elmi dərəcəsi verilib.
Aztibb.az-ın məlumatına görə, o, "B-talassemiyalı xəstələrə stomatoloji yardımın tətbiqində kompleks yanaşmanın əsaslandırılması" mövzusunda dissertasiya işini müdafiə edib.
Tədqiqat nəticəsində böyük-B talassemiyalı xəstələrdə inkişaf edən və bu xəstəlik üçün əlavə diaqnostik əhəmiyyətə malik (patoqnamik) kəllə-üz deformasiyalarının kəmiyyət xarakteristikası haqqında orijinal məlumatlar əldə edilib. Bu xəstələrdə dişətrafı toxumaların fibrilyar strukturunda və hüceyrəvi quruluşunda baş verən dəyişikliklərin histoloji və elektron-mikroskopik xarakteristikası detallı şəkildə öyrənilib, ferritin molekullarının özü və onların toplantılarının (siderosom və hemosideron) ultrastruktur parametrləri haqqında yeni məlumatlar əldə edilib.
