Tələbələrin maarifləndirilməsi və asudə vaxtın səmərəli keçirilməsi məqsədilə 2 nömrəli Bakı Baza Tibb kollecinin “Mamalıq işi”, “Laboratoriya diaqnostikası”, ”Müalicə işi” şöbələrinin bir qrup müəllim və tələbələri Azərbaycan Təbabəti Muzeyini ziyarət ediblər. 

 

Aztibb.az xəbər verir ki, tələbələr elmi tibbin əsasını qoyan Hippokratın büstü ilə tanış olub, XVIII-XX əsrlərdə istifadə edilən tibbi avadanlıqlar və görkəmli şəxsiyyətlər haqqında məlumatlandırılıblar. Həmçinin muzeydə Azərbaycan Respublikasının Prezidenti İlham Əliyevin rəhbərliyi altında səhiyyə sahəsində görülən işlərdən bəhs edən güşə tələbələrin marağına səbəb olub.