Heydər Əliyev Fondunun təşəbbüsü ilə mayın 15-də “Bakı Marafonu-2022” keçirilib.
“Küləyə qalib gəl” şüarı altında beşinci dəfə keçirilən Bakı marafonu bu il fərqli marşrutda təşkil edilib.
Yarışın start nöqtəsi ilə yanaşı, finişi də Dövlət Bayrağı Meydanında olacaq və 21 kilometrlik məsafəni əhatə edib.
Marafonda TƏBİB-in və İcbari Tibbi Sığorta üzrə Dövlət Agentliyinin əməkdaşları da iştirak edib.
Eyni zamanda, TƏBİB marafon boyunca tibbi xidmətlərin təşkilini təmin edib.
Təcili və Təxirəsalınmaz Tibbi Yardım Stansiyasının briqadaları Dövlət Bayrağı Meydanının, Bakı Funikulyorunun, Bakı Dəniz Vağzalının, Sahil Metrosunun, Azərbaycan Boks Federasiyasının, Bakı İdman Sarayının, Su İdman Sarayının yaxınlığına təhkim olunublar.
2016-cı ildən təşkil olunan Bakı marafonu idmanın inkişafına dəstək göstərmək, sağlam həyat tərzini təbliğ etmək məqsədi daşıyır.