Bruksizm çeynəmə əzələlərinin hipertonusu fonunda əmələ gələn bir patalogiyadır.

Aztibb.az xəbər verir ki, bunu həkim dermatoloq, kosmetoloq Günay Mikayilova bruksizm haqqında paylaşımında qeyd edib.

O, bildirib ki, bu zaman pasiyentlər adətən baş ağrısı, dişlərinin bir-birinə aşırı sürtünməsi və dişlərin yeyilməsindən şikayət edirlər.

"Bu problem stomatologiya ilə bağlı olsa da, müalicəsində dermatologiya birbaşa rol oynayır. Sadəcə hər tərəfə 3 və ya 4 nöqtəyə iynə vurulur. Botulotoksinlə tonus azaldılır. Bu müalicə metodunun təsiri 3-4 ay davam edir. Çeynəmə əzələləri ən güclü əzələlər olduğuna görə, gücünü tez bərpa edir".