Aztibb.az xəbər verir ki, Mərkəzi Gömrük Hospitalının Efferent terapiya şöbəsinin rəisi, nefroloq Mirmənsim Məmmədov hazırda Türkiyə Hipertoniya və Böyrək Xəstəlikləri Cəmiyyətinin təşkilatçılığı ilə keçirilən XXIV Milli Hipertoniya və Böyrək Xəstəlikləri Konqresində iştirak edir. 11-15 May 2022-ci il tarixlərində Türkiyənin Muğla Dalaman əyalətində keçirilən konqresə dünyanın müxtəlif ölkələrindən təcrübəli nefroloqlar təqdimatlar, maraqlı elmi məqalələr və posterlərlə qatılıblar.

 

Konqresdə “Hemodializ və peritoneal dializ xəstələrində depressiya riski”, Nefroloji Xəstəliklər”, “Kəskin dializ necə təyin edilməlidir?”, “Hipertoniyanın müalicəsində yeniliklər”, o cümlədən nefrologiya sahəsində yeni metodlar, ən müasir texnologiyaların tətbiqi ilə bağlı yeniliklər gündəmə gətirilib.

 

Həmçinin, konqresdə aparıcı professorlar tərəfindən klinik praktikada rast gəlinən hallar, intensiv terapiya nefrologiyasi ilə bağlı təcrübə və tədqiqat nəticələri barədə ətraflı məlumat verilib. Konqresin hər iş gününün sonunda nefroloji xəstəlikləri əhatə edən mövzular ətrafında geniş diskussiyalar və müzakirələr aparılır.