Baza Tibb Kollecində ulu öndər Heydər Əliyevin anadan olmasının 99-cu ildönümü ilə əlaqədar tədbir keçirilib
10.05.2022 11:43
Müstəqil Azərbaycan dövlətinin memarı və qurucusu, xalqımızın ümummilli lideri, ulu öndər Heydər Əliyevin anadan olmasının 99-cu ildönümü ilə əlaqədar 2 nömrəli Bakı Baza Tibb Kollecinin müəllim və tələbə heyətinin iştirakı ilə tədbir keçirilib.
 
Aztibb.az xəbər verir ki, əvvəlcə dünya şöhrətli siyasətçinin əziz və unudulmaz xatirəsi bir dəqiqəlik sükutla yad edilib.
 
Tədbirdə kollecin İlk Partiya Təşkilatının sədri Gülər Qulu-zadə məruzə ilə çıxış edib. G.Qulu-zadə qeyd edib ki, dəyərli və mənalı ömrünü Vətəninə həsr edərək, milləti qarşısında misilsiz xidmətlər göstərməklə Azərbaycan xalqının Ümummilli Lideri adını qazanmış dünya siyasətinin parlaq siması, ulu öndər Heydər Əliyev tarixdə və azərbaycanlıların qəlbində əbədi olaraq yaşayacaq. Dahi tarixi şəxsiyyətin xatirəsi hər zaman böyük ehtiramla yad ediləcək.
 
Tələbələrin ifasında şer və musiqi nömrələri ilə davam edən tədbir əbədiyaşar Heydər Əliyevin həyat və fəaliyyətindən bəhs edən filmin nümayişi ilə başa çatıb.