Sumqayıt Tibb Mərkəzinin verdiyi göndərişlər əsasında İcbari Tibbi Sığorta üzrə Dövlət Agentliyi ilə müqaviləsi olan tibb müəssisəsində icbari tibbi sığorta hesabına əməliyyat olunanlardan biri də 69 yaşlı Sumqayıt sakini Nadir Əliyevdir.

 

Aztibb.az xəbər verir ki, N.Əliyev bu barədə təəssüratlarını bölüşüb:

 

"Uzun illərdir bərbər olaraq çalışıram. Ötən ilin noyabr ayında ürəyimdə narahatlıqlar hiss etdim. 1 saylı şəhər xəstəxanasının poliklinika şöbəsinin kardioloqu Arif həkimə müraciət etdim. Çox sağ olsun, məni müayinə etdi və anju edilməsini və ürək damarlarıma stent qoyulmasını tövsiyə etdi. Düşünürdüm ki, bu əməliyyatları öz büdcəm hesabına edə bilmərəm. Sumqayıt Tibb Mərkəzinə müraciət etdim və oradan aldığım göndərişlə icbari tibbi sığorta hesabına Mərkəzi Klinikada ürək damarlarıma ödənişsiz stent qoyuldu. Hazırda özümü gümrah hiss edirəm. Öz peşə fəaliyyətimi davam etdirirəm.

 

İcbari Tibbi Sığorta üzrə Dövlət Agentliyinə və Sumqayıt Tibb Mərkəzinə minnətdarlığımı bildirirəm".