John Harold Peel 1961-1973-cü illərdə II Elizabetin cərrah-ginekoloqu olan və bir sıra kral doğumlarında iştirak edən ingilis cərrah mama-ginekoloq idi. O,101 illik həyatında ginekologiya sahəsində yaddaqalan ilklərə imza atmışdır.

Londonda ginekologiya üzrə təhsil aldıqdan sonra Peel 1930-cu ildə həkim ixtisasına yiyələnmiş və 1932-ci ildə Kral Həkimlər Kollecinə imtahan vermişdir. Buraya mamalıq və ginekologiya sahəsi üzrə məsləhətçi-cərrah təyin olunan J.Peel 1937-ci ildən 1965-ci ilə qədər Şəhzadə Beatris Xəstəxanasında məsləhətçi işləmişdir.

O, 1948-1967-ci illərdə Kral Həkimlər Xəstəxanasının Tibb Məktəbində klinik tədqiqatların direktoru vəzifəsində çalışmışdır. 1944-cü ildə Kral Mama və Ginekoloqlar Kollecinin üzvü, 1955-ci ildə öz şurasının üzvü, daha sonra isə fəxri xəzinədarı olmuşdur. 1966-1969-cu illərdə isə Kral Mama və Ginekoloqlar Kollecinin prezidenti olmuşdur.

Şəhzadə Charles və Annenin doğumlarında həmin dövrlərdə kral ailəsinin cərrah-ginekoloqu olan Sir William Gilliattla birlikdə Peel də iştirak etmişdir. Onun ölümündən sonra Peel 1961-1973-cü illərdə Şəhzadə II Elizabetin cərrah-ginekoloqu təyin olundu.

Kral Mama və Ginekoloqlar Kollecinin prezidenti olduğu müddətdə J.Peel 1967-ci ildə Britaniya hökumətinə Abort Aktı ilə bağlı məsləhətlər verən komitəyə rəhbərlik etdiyi zaman Komitə qanun layihəsinin lehinə hesabat vermişdir.

O, 1943-cü ildə nəşr olunan Ginekologiya Dərsliyinin müəllifi olmuşdur.

Təhsil, Səhiyyə və Sosial Təminat Departamentini 16 yaşından kiçik qızları cinsi əlaqəyə sövq etməkdə günahlandıran J.Peel bunun qarşısını almaq üçün hər zaman maarifləndirici işlər görmüşdür.