Aztibb.az-a Terapevtik Klinikadan verilən məlumata görə, tədbirdə çıxış edən klinikanın Revmatologiya və qastroenterologiya şöbəsinin həkim-rezidenti Sevin Həsənzadə xəstəlik və autoimmun seroloji testlər haqqında ətraflı məlumat verib.

 

O, qırmızı qurdeşənəyinə (SLE) daha çox gənc qadınlarda rast gəlindi yini deyən məruzəçi, bunun əsasən dəri, oynaq, qan, böyrəklər, mərkəzi sinir sistemi daxil olmaqla bədənin fərqli orqanlarını zədələyə bilən xronik autoimmun xəstəlik olduğunu bildirib.

 

S. Həsənzadə qeyd edib ki, bu xəstəlik orqanizmdə istənilən toxumanı zədələyə bilir və bu səbəbdən xəstədən xəstəyə klinik şəkil də dəyişə bilir.

 

Onun sözlərinə görə qırmızı qurdeşənəyinin əlamətləri də müxtəlifdir: "Xəstəlik insan bədənində, əsasən, yüksək hərarət, halsızlıq, yorğunluq, üzdə kəpənəyəbənzər səpgi (malar raş), dəridə qızartı, səpgi və şişkinlik (diskoid raş), günəşə qarşı həssaslıq ( günəş şüalarının təsirindən dəridəki səpgilər çoxalır), saç tökülməsi, allopesiya, ağızda təkrarlanan ağrısız yaralar, reyno fenomeni (stress və soyuqda barmaq uclarının göyərməsi və ya ağarması), depressiya, psixoz kimi psixi pozuntular, artritlər ,əsasən, səhər kiçik əl oynaqlarında tutqunluq, şişmə və ya artropatiya (Jaku artropatiya), ağ ciyərdə iltihaba bağlı maye toplanması, sidikdə protein tapılması kimi əlamətlərlə özünü büruzə verir".

 

Həkim bildirib ki, xəstəliyin diaqnostikasında autoimmun seroloji testlərin olması önəmlidir. Məsələn, ANA, ds-DNA, ENA (SS-A, SS-B, Sm, RNP), aCL, C3, C4.

 

Əsas müalicə prinsiplərinə görə az toksik olan rejim seçilir. Aşağı-doz steroid istifadəsi (prednizolone < 10 mg/g), anti-malaryal müalicə (hidroksiklorokin/klorokin). Əgər oynaq zədələnməsi varsa organ-spesifik yanaşma (NSAII, metotreksat) olmalıdır. Lupus nefrit varsa siklofosfamid, takrolimus, puls terapiya, MMF, azathioprin, hematoloji tutulumu zamanı MMF, aza, rituximab, yüksək doz steroid istifadə olunmalıdır.

 

Seminarın sonunda klinikanın həkim-rezidentlərilə birgə mövzu ətrafında geniş müzakirələr aparılıb, suallar cavablandırılıb.