"Ginnesin Rekordlar Kitabı"na düşən, vaxtından əvvəl - hamiləliyin 21-ci həftəsində dünyaya gələn körpə Curtis adlı oğlandır.

Aztibb.az xəbər verir ki, həkimlərin "xüsusi körpə" adlandırdığı Curtis 420 qram çəkidə ABŞ-ın Alabama ştatında dünyaya gəlib.

4 iyul 2020-ci il tarixində ABŞ-ın Müstəqillik Günü qeyd olunan zaman narahatlığı başlayan hamilə qadın həmin gecə xəstəxanaya gedir və əkiz övladları dünyaya gəlir. Əkizlərdən biri sadəcə 1 gün yaşaya bilsə də, Curtis həyatla mübarizəsini davam etdirir. Yaşama ehtimalının az olmasına baxmayaraq, o, 3 ay süni tənəffüs aparatında, 275 gün isə xəstəxanada qaldıqdan sonra 2021-ci ilin aprel ayında artıq evə yola salınır.

Mütəxəssislər tərəfindən Curtisə düzgün nəfəs alma, qidalanma zamanı ağızı düzgün işlətmə qaydaları davamlı olaraq öyrədilirdi.

Hazırda həkimlər onun sağlamlığının normal olduğunu deyirlər.

Curtisin neonatoloqu Brian Sims müsahibəsində neçə ildir bu sahədə çalışmasına baxmayaraq belə güclü uşaqla rastlaşmadığını qeyd etmişdir.