K.Y.Fərəcova adına Elmi-Tədqiqat Pediatriya İnstitutunun (ETPİ) Uşaq Kliniki Xəstəxanasında ağciyərlərin funksional testi - Spirometriya aparılır.

 

Aztibb.az xəbər verir ki, spirometriya – tənəffüs hərəkətini müəyyən edən funksional testdir. Ağciyərlər və bronxların xəstəliklərində (xroniki bronxit,astma,allergik öskürəklər,xırıltılı və fitverici öskürəklər) nəfəs problemlərinə diaqnoz qoymaq üçün lazım olan ən vacib testlərdən biridir. 5 yaşdan böyük uşaqlara spirometriya tənəffüs testi etmək olar. Bu test qısa müddətdə, qeyri-invaziv, ağrısız, asan başa gələn üsuldur, sadəcə nəfəs alıb verməklə və üfürməklə həyata keçirilir. 

- Bronxial astma, xroniki obstruktiv ağciyər xəstəliyi, sarkoidoz və s. ağciyər xəstəliklərinin diaqnostikasında və ağırlıq dərəcəsinin təyin olunmasında;

- Müalicənin effektivliyinin dəyərləndirilməsi, sonrakı müalicə taktikasının seçilməsi;

- Xəstəliyin proqnozunun qiymətləndirilməsi;

- Təngənəfəslik;

- Quru xırıltılar (“auskultasiyada külək səsi”);

- Əməliyyat öncəsi və sonrası xəstələrdə tənəffüs funksiyalarının dəyərləndirilməsi;

- Obstruktiv, restriktiv xəstəlikləri differensasiyası.