TƏBİB-in tabelindəki tibb müəssisələrində vətəndaşların qəbulu, vətəndaş müraciətlərinə baxılması, kargüzarlıq, eləcə də Elektron Sənəd Dövriyyəsi işinin təşkili, nəzarətin gücləndirilməsi və bu istiqamətlərdə tibb müəssisələrinə dəstəyin göstərilməsi məqsədilə monitorinqlər keçirilir.

Aztibb.az xəbər verir ki, bu istiqamətdə aşkar edilən nöqsanlar aktlaşdırılıb, nöqsanların aradan qaldırılması üzrə metodik tövsiyələr verilib.

Monitorinqlər Bakı Baş Səhiyyə Mərkəzi, akademik C.M.Abdullayev adına Elmi-Tədqiqat Kardiologiya İnstitutu, akademik M.A.Topçubaşov adına Elmi Cərrahiyyə Mərkəzi, Lənkəran, Astara, Lerik, Yardımlı, Masallı (Lənkəran TƏB), Cəlilabad, Neftçala, Biləsuvar, Salyan (Cəlilabad-Salyan TƏB), İmişli, Saatlı, Sabirabad , Şirvan, Hacıqabul (İmişli-Sabirabad TƏB), Oğuz və Qəbələ (Şəki-Zaqatala TƏB) Rayon Mərkəzi Xəstəxanalarını əhatə edib.

Eyni zamanda, sözügedən tibb müəssisələrinin Ümumi, İnsan resursları və Maliyyə şöbələrinin əməkdaşları ilə elektron sənəd dövriyyəsi sistemi (ESDS) ilə iş üzrə təlimlər keçirilib.

Monitorinq və təlimlərin digər bölgələr üzrə də davam etdirilməsi nəzərdə tutulub.