Azərbaycan Tibb Universitetinin (ATU) II Uşaq xəstəlikləri kafedrasının dosenti Gündüz Əhməd oğlu Əhmədov Azərbaycan Respublikasının Prezidenti yanında Ali Attestasiya Komissiyasının 18.03.2022-ci il tarixli qərarı ilə tibb elmləri doktoru elmi dərəcəsini alıb.

 

O, 2021-ci il iyun ayının 23-də "Uşaqlarda şəkərli diabetin genetik, immunoloji, klinik aspektləri və terapevtik yanaşmanın xüsusiyyətləri" mövzusunda elmlər doktoru dissertasiyasını müdafiə edib.

 

Elmi işdə tip 1 şəkərli diabetin yaranmasında iştirak edən HLA (Human Leukocyte Antigens) sisteminin II sinfi genlərinin və digər əhəmiyyətli genlərin ilk dəfə olaraq Azərbaycan populyasiyası üçün səciyyəvi olan allelləri və haplotipləri aşkarlanıb. Aparılan tədqiqat nəticəsində tip 1 şəkərli diabetli xəstələrdə bağırsaq mikrobiomu ilə xəstəliyə görə populyasiya üçün risk yaradan genlər arasında əlaqə öyrənilməklə mikrobiota ətraflı araşdırılıb. Həmçinin ilk dəfə olaraq populyasiya üçün xəstəliyin yaranmasında rolu olan bağırsaq mikrobiotası aşkar edilib.