4 il əvvəl 3 aylığında körpənin hər iki gözündə 5-ci mərhələ ROP (Vaxtındanəvvəldoğulmuş retinopatiyası) səbəbiylə vitrektomiya əməliyyatı olunub. Hazırda uşaq nəinki işığı görür, evdə sərbəst kimsəyə möhtac olmadan gəzir.

 

Bu barədə Aztibb.az-a tanınmış oftalmoloq, vitreoretinal cərrah, hərbi həkim Anar Rəhimov bildirib.

 

Onun sözlərinə görə, körpədə vaxtından əvvəl doğulmuş uşaqların retinopatiyasının son və ən ağır mərhələsi idi: "Bunlarda əməliyyat sadəcə göz ölçüləri kiçilməsin deyə icra olunur, görmə əldə etmək çox çətin və nadir mümkün ola bilir".