Dövlət Tibbi-Sosial Ekspertiza və Reabilitasiya Agentliyinin Sumqayıt Reabilitasiya Mərkəzində bərpa müalicəsi alan əlilliyi olan şəxslər və qazilər üçün “Orijinal yoqa ilə nəfəs meditasiyası və rahatlama texnikası” təlimi təşkil edilib.

 

Təlim Azərbaycan Respublikasının Fəxri bədən tərbiyəsi və idman işçisi, əməkdar məşqçi, idman ustası, beynəlxalq dərəcəli hakim, Azərbaycan Yoqa Klubunun prezidenti Sevindik Mehdiyev tərəfindən keçirilib.

 

Yoqa ilə müntəzəm məşğul olmaq emosional fonu yaxşılaşdırır, insanın stresə davamlılığını artırır. Eyni zamanda dayaq-hərəkət aparatının işini yaxşılaşdıraraq qan dövranı, ürək-damar və tənəffüs sisteminə müsbət təsir göstərir, distiplinlilik və məqsədyönlülük formalaşdırır. Bu məqsədlə yoqa təlimlərinin davamlı şəkildə həyata keçirilməsi məqsədəuyğun sayılır.

 

Yoqa təlimi Agentlik tərəfindən bu ilin yanvar ayından etibarən müntəzəm olaraq həyata keçirilir. Agentliyin Respublika üzrə digər mərkəzləri də sözügedən təlimlərə onlayn formada qoşulur.