38 yaşlı pasiyent ikincili (qazanılmış) sonsuzluq diaqnozu ilə Elmi-Tədqiqat Mamalıq və Ginekologiya İnstitutuna müraciət edib.

 

İlk müayinə zamanı endometriyanın polipi aşkar olunduğundan qadına mama-ginekoloq Yeganə Axundova tərəfindən histeroskopiya və polipektomiya əməliyyatları icra olunub.

 

Əməliyyatdan sonra baş vermiş ilk hamiləlik erkən mərhələdə sonlandığından qadın yenidən bir sıra müayinələrdən keçib və pasiyentdə mövcud olan endokrinoloji problemlər düzgün müalicələrin fonunda aradan qalxıb. Aparılan uğurlu müalicə taktikası ilə qadında yenidən hamiləlik baş verib.

 

Mama-ginekoloqun nəzarəti altında 9 aylıq period normal şəkildə başa vurulub və hamiləliyin 39-cu həftəsində icra olunan qeysəriyyə kəsiyi əməliyyatı ilə çəkisi 3 500 qram olan körpə dünyaya gəlib.