Azərbaycan Respublikasının Prezidenti yanında Ali Attestasiya Komissiyasının qərarı ilə Azərbaycan Tibb Universitetinin (ATU) elmi işlər üzrə prorektoru, dosent Rauf Bəylərova tibb elmləri doktoru elmi dərəcəsi verilib.
Rauf Bəylərov "Uşaqlarda xronik qlomerulonefritin etiologiyası və patogenetik mexanizmləri" mövzusunda elmlər doktoru dissertasiyasını 2021-ci illdə K.Y.Fərəcova adına Elmi-Tədqiqat Pediatriya İnstitutunda müdafiə edib.
Tədqiqat işində ilk dəfə olaraq uşaqlarda xroniki qlomerulonefritin patogenezində oksidativ stresin rolu ətraflı öyrənilib, nefrotik sindromun müxtəlif variantlarında immunoloji reaktivliyin dəyişilməsi araşdırılıb. Azərbaycan populyasiyasında nefrotik sindrom zamanı nefrin geninin tez-tez rast gəlinən heteroziqot genotipinin daha çox üstünlük təşkil etməsi aşkar edilib, bununla yanaşı olaraq xəstəliyin patogenezində digər əhəmiyyətli faktorlar ayırd edilib. Qlomerulonefritin səbəbinin aşkar olunmasında böyrəklərin biopsiyası zamanı spesifik histopatoloji mənzərə qeydə alınıb. Xəstələrdə statistik əhəmiyyətli göstəricilər aşkarlanaraq xəstəliyin gedişinin proqnozlaşdırılması mümkün olub.