2021-ci ildən etibarən fəaliyyət göstərən Sumqayıt Tibb Mərkəzi Sumqayıt şəhər Səhiyyə Şöbəsinin bazasında 7-si Ailə Sağlamlıq Mərkəzi və 4-ü şəhər xəstəxanası olmaqla 18 tibb müəssisəsindən ibarətdir.
Bu günlərdə Mərkəzdə əksəriyyəti gənc olmaqla bir neçə yüksəkixtisaslı həkim fəaliyyətə başlayıb. Aztibb.az həmin həkimlər barədə məlumatları təqdim edir:
Cəfər Tağızadə. 2008-2014 -cü illərdə Azərbaycan Tibb Universitetinin Müalicə işi fakültəsində təhsil alıb. Bu ilin mart ayından Təcili Təxirəsalınmaz Tibbi Yardım Stansiyasında çalışır.
Elnarə Kərimova. 2015-2021-ci illərdə Azərbaycan Tibb Universitetinin Müalicə işi fakültəsində təhsil alıb. Hazırda Təcili Təxirəsalınmaz Tibbi Yardım Stansiyasında çalışır.
Məhərrəm Tağıoğlu. 2008-2014-cü illərdə Azərbaycan Tibb Universitetinin Müalicə işi fakültəsində təhsil alıb. Bir sıra şirkətlərdə və özəl tibb müəssisələrində çalışıb. 44 günlük Vətən müharibəsinin iştirakçısı olmaqla yanaşı, N saylı hərbi hissənin tibb xidməti rəisi vəzifəsində də çalışıb.
2022-ci ilin yanvar ayından Təcili Təxirəsalınmaz Tibbi Yardım Stansiyasında həkim-terapevt vəzifəsində çalışır.
Nərmin Məmmədova. 2019-cu ildə Azərbaycan Tibb Universitetinin Müalicə işi fakültəsini bitirib. 2022-ci ilin yanvar ayından Təcili Təxirəsalınmaz Tibbi Yardım Stansiyasında işləyir.
Lalə Allahverdiyeva. 2011-2017-ci illərdə Azərbaycan Azərbaycan Tibb Universitetinin Müalicə işi fakültəsində təhsil alıb. 2013-cü ildə Türkiyədə praktika keçib. 2016-cı ildə Azərbaycanda keçirilən Formula-1 yarışlarında First Aider olaraq çalışıb. 2020-ci ildən 2022-ci ilin fevral ayına kimi Fövqəladə Hallar Nazirliyinin Tibb Mərkəzinin modul tipli hospitalında həkim olaraq fəaliyyət göstərib.
Hazırda Təcili Təxirəsalınmaz Tibbi Yardım Stansiyasında işləyir.
Telman Rzayev. 1993 -1999-cu illərdə Azərbaycan Tibb Universitetinin I Müalicə profilaktika fakültəsində təhsil alıb. 1999-2000-ci illərdə Sumqayıt şəhər 1 saylı xəstəxananın Anesteziya və reanimasiya şöbəsində klinik internatura kursu keçərək həkim anestezioloq - reanimatoloq ixtisasına yiyələnib. 2000- 2022 ci illərdə Müdafiə Nazirliyinin müxtəlif hospitallarında anestezioloq - reanimatoloq kimi xidmət edib. 2016-cı ilin Aprel, 2020-ci ilin Tovuz və həmin ilin sentyabr ayının 27-də başlayan və 44 gün davam edən Vətən müharibəsinin iştirakçısıdır. Bu ilin yanvar ayından ehtiyata buraxılıb və tibb xidməti polkovnik-leytenantıdır.
Bu ilin aprelin 5-dən Təcili Təxirəsalınmaz Tibbi Yardım Stansiyasında çalışır.
Cavidan Qafarov. 2018-ci ildə Azərbaycan Tibb Universitetinin Müalicə işi fakültəsini bitirib. 18. 01. 2022-ci il tarixindən etibarən Təcili Təxirəsalınmaz Tibbi Yardım Stansiyasında çağırışçı həkim vəzifəsində çalışır.